Skógargengið - Myndin (2016)

Teiknimyndaþættirnir skemmtilegu um Skógargengið segja frá nokkrum undarlegum dýrum sem búa í skóginum og hafa tekið upp þá iðju að bjarga öðrum úr hættu. Fremstur á meðal jafningja er Marri mörgæs sem öllu jöfnu ætti ekki að hafast við í frumskóginum en þar sem hann hefur alltaf staðið í þeirri trú að hann sé tígrisdýr þá kemur hitt af sjálfu sér. Á þessum diski er að finna glænýja mynd um Skógargengið en ekki þætti eins og venjulega og segir hún frá því þegar gengið ferðast alla leið á Suðurpólinn til að takast þar á við afar ósanngjarna rostunga sem hafa verið að gera mörgæsunum á pólnum lífið leitt ...