Seed of Chucky (2004)

Þróun Child's Play-seríunnar er sérkennileg en í senn nokkuð áhugaverð. Það sem í upphafi var gömul hryllingsmyndaformúla hefur nú breyst yfir í kolsvart grín. Þetta minnir nokkurn veginn á þá stefnu sem Evil Dead-serían tók, en þó ekki alveg eins vel heppnað. Ég var aldrei neitt hrifinn af fyrstu þremur Chucky-myndunum en sú fjórða í röðinni, Bride of Chucky, var alveg fáránlega skemmtileg að því leyti að hún gerði grín að sjálfri sér og öllu sem hinar myndirnar stóðu fyrir. Það var líka eitthvað svo skemmtilegur camp-fílíngur í henni og öll rest var svo óborganlega over-the-top að maður gat ekki annað en hlegið að ruglinu. Ég bjóst við svipuðu af Seed of Chucky, en svo virðist sem að serían hafi gengið gegnum annað stórt skeið breytinga, og þá ekki nauðsynlega á góðan máta. Það er ýmislegt gott í myndinni, en niðurstaðan er alltof ójöfn. Á einu stigi er myndin ógeðslega fyndin (og ég legg þar sterka áherslu á orðið ''ógeðslega'') en öðru bara þreytt. Eins hallærislegur og söguþráðurinn í hinni myndinni á undan var, þá er þessi ennþá verri. Satíran í handritinu var heldur klaufaleg og margt aukaefnið var bara óþarft. Ég mun t.d. aldrei botna í hvaða tilgangi sub plot-ið með einkabílstjórann átti að þjóna og þar að auki fannst mér ekkert varið í ''Britney Spears-djókið.'' Halló!... Hefur þetta ekki verið gert áður?? (sjá Austin Powers 3). En Brad Dourif er auðvitað snillingur sem rödd Chucky, og á hér margar frábærar línur. Billy Boyd fær líka að ljá afkvæmi hans rödd sína. Hins vegar sé ég ekki fyrir mér að þetta hlutverk sé eitthvað skref upp fyrir manninn. Jennifer Tilly gerir líka fyndna hluti á sinn eigin kostnað. Takið svo einnig eftir furðufuglinum John Waters sem óhuggulegur ljósmyndari, en hann á einnig flottustu dauðasenu myndarinnar. Það er margt verra í umferð núna heldur en Seed of Chucky, og þeir sem horfa á hana verða að taka vel á móti smekkleysinu, svo aðeins eitthvað sé nefnt. Ég ætla samt rétt að vona að aðstandendur fari ekki að kreista meira upp úr þessu Chucky-fyrirbæri. Jafnvel þótt að þessi framhaldsmynd sé í sjálfu sér ein af þeim ónauðsynlegustu, þá vona ég að það komi ekki önnur.5/10

Seed of Chucky er ekki hryllingsmynd, ekki fara í bíó og búast við að þetta er ein önnur hryllingsmynd. Ég held að fólk sem býst við hryllingsmynd ættu að skilja að þessi mynd er um tvær brúður sem eignuðust barn og drepa fólk. Það er varla hægt að gera hryllingsmynd um morðóðar brúður án þess að verða voða fáranleg mynd. Seed og Chucky fer þessa leið en tekur sig alls ekki of alvarlega. Það kom mér óvart að Billy Boyd hafði svona stórt hlutverk í myndinni, hann talaði fyrir barn Chucky´s og Tiffany´s. Brad Dourif vitaskuld fyrir Chucky og Jennifer Tilly fyrir Tiffany. Ef þú ætlar að sjá Seed of Chucky þá skalt þú gera það með hugarfarinu að þú sért að horfa á grínmynd meir en hryllingsmynd. Það er nóg af blóði til þess að halda athyglinni í þessari mynd og eitt stórkostlegasta augnablik kvikmyndasögunnar á sér stað í Seed of Chucky þegar Chucky klessir á bíl Britney Spears og hún keyrir fram af hæð og bíllin springur og hún drepst. Ég og vinir mínir klöppuðum þá. Rétt hugarfar gerir Chucky skemmtilega.

Ég fór á þessa mynd með voða lega litlar væntingar og bjóst ekki við miklu af þessari mynd. Child's Play myndirnar hafa verið í dálitlu uppáhaldi hjá mér, ég sætti mig við lélegar tæknibrellur í þeim því að þær eru mjög gamlar. Þessi mynd er leiðinleg, asnaleg og illa gerð, og skemmdi fyrir mér allt álit á Chucky myndunum. Mæli eindregið ekki með þessari súru mynd

Ég elska hryllingsmyndir ótrúlega en þegar sona cheap-crossover mynd kemur finnst mér hún eyðileggja fyrir fyrri myndunum

ég er að tala um myndir sem eru seinastar í seríu.

Sem dæmi má nefna Nightmare On Elm Street myndirnar;

Fyrsta var góð

Önnur ágæt

Þriðja fín

Fjórða ekkert sérstök

Fimmtu mátti sleppa

Sjötta var ekki góð

OG Sjöunda; þegar Freddy fór yfir í raunveruleikann

Hrein HÖRMUNG



Það er það sem þeir eru að gera með Seed of Chucky

Þarna fer Chucky og brúðurin yfir í raunveruleikann

og eru að áreita Jennifer Tilly; sem er líka hörmung

því hún leikur líka brúðurina, hversu mikið þurfa

þessir gaurar að spara þegar sona lagað gerist??

Ég segi að þessi mynd er kjaftæði (fyrir utan drápin og soleiðis)

og hún eyðilagði fyrir mér hinar myndirnar sem voru fínar...

1 stjarna.