Óupplýst (2012)

Hefurðu einhverntíma lent í því að sjá eitthvað eða verða fyrir einhverju sem þú getur ekki á nokkurn hátt útskýrt? Sé svo þá ertu sannarlega ekki ein(n) um slíka reynslu. Í Óupplýst eru sögur Íslendinga af yfirnáttúrulegum fyrirbærum teknar saman og þær sagðar á myndrænan hátt. Þar að auki er hér að finna viðtöl við ýmsa sérfræðinga sem gefa áhorfandanum betri skilning á efninu. Þættirnir eru sjö talsins og er hver þáttur 25 mínútur að lengd. Hver þeirra er einstakur og eru viðfangsefnin af ýmsum toga. Þættirnir heita: Skyggnigáfa · Berdreymi · Djöflar og vættir · Andaglas · Álfar og huldufólk · Geimverur (Brottnám á Miklubraut) og Reimleiki.