Flipped (2010)

Flipped segir frá stráknum Bryce Loski og stelpunni Julie Baker. Juli hefur verið yfir sig hrifin af Bryce síðan í öðrum bekk í grunnskóla þegar þau hittust fyrst. Sú tilfinning hefur hins vegar aldrei verið endurgoldin af hálfu Bryce sem hefur alltaf fundist Julie stórskrítin. Hann gengur meira að segja svo langt í sjötta bekk að bjóða stelpunni sem Julie hatar mest út á stefnumót til þess eins að gera Julie afhuga sér. Það virkar aðeins í stuttan tíma, því sönn hrifning á erfitt með að hverfa. Það er svo í áttunda bekk sem Bryce fer að taka eftir því að Julie er kannski ekki jafn hallærisleg og hann hélt allan þennan tíma, en þá gerist það á sama tíma að Julie fer að efast um tilfinningar sínar gagnvart Bryce, sem gerir hlutina að sjálfsögðu mun flóknari en ella.