Black Sabbath (1963)

Ég ákvað að fjárfesta í The Mario Bava collection: Volume 1. Bava er viðurkenndur sem mikill frumkvöðull og hafði mikil áhrif á marga leikstjóra sem á eftir honum komu. Hann er þekktur sem mikill meistari ítalskra hryllingsmynda en gerði líka ýmislegt annað.

Horfði í gær á mína fyrstu mynd úr safninu og mína fyrstu Bava mynd, Black Sabbath. Myndin skiptist í 3 sögur, allar mjög ólíkar en allar mjög skemmtilegar á sinn hátt. Maður fær sitt lítið af hvoru, klikkaðan morðingja, gothic zombie vampýrur og drauga. Myndin þótti það rosaleg á sínum tíma að hún var klippt sundur og saman svo að fólk gæti þolað að horfa á hana. Þetta var upphaflega útgáfan. Mér fannst myndin mjög vel heppnuð og ótrúlegt í raun hversu áhrifamikil hún var miðað við aldur og fyrri störf. Ekki skemmdi fyrir að myndin leit vel út enda tekin upp í GLORIOUS TECHNICOLOUR.