Another 48 Hrs. (1990)

Another 48 Hours gerist sjö árum eftir atburði fyrri myndarinnar og nú á löggan Jack Cates(Nick Nolte) yfir höfði sér starfssviptingu og fangelsisvist fyrir manndráp í sjálfsvörn en byssa árásarmannsins fannst ekki. Jack endurvekur kynni sín við Reggie Hammond(Eddie Murphy) sem er nýsloppinn úr fangelsi og saman reyna þeir að finna alræmdan dópsala sem hefur eitthvað að gera með vandamál Jack's en það reynist hægara sagt en gert. Another 48 Hours stendur fyrri myndinni ekkert að baki og býður upp á meira af því sama. Þessi er þó ögn alvarlegri og húmorinn er kannski aðeins svartari. Þegar Walter Hill gerði þessa mynd árið 1990 hafði hann engu gleymt og Eddie Murphy og Nick Nolte ennþá frábærir saman. Handritið kannski ekkert algott en þetta er prýðileg grínspennumynd sem er vel þess virði að sjá. Og sjá svo aftur.