Ballet Boys (2014)

Lukas, Syvert og Torgeir eru venjulegir norskir unglingar sem þurfa að takast á við foreldra sína, félagslífið og skólann, en það sem drífur þá þó mest er pressan frá balletþjálfurunum. Strákarnir eru allir í fremstu röð í sínum aldursflokki í ballett í Noregi og stefna ótrauðir inn í norsku ballettakademíuna. En það krefst mikillar vinnu og fórna að komast þangað inn. Þegar Lukas fær boð um að mæta í prufu í konunglega ballettskólanum í London sér hann fram á tækifæri lífs síns. Myndin er tekin á fjögurra ára tímabili og fjallar um þrjá stráka sem þroskast og verða að mönnum og takast á við hinn harða heim sem fylgir því að vera í fremstu röð.