Dóra: Hér er Díegó (2012)

Þættirnir um Dóru landkönnuð og vini hennar eru litríkir, skemmtilegir og fullir af fróðleik fyrir yngstu kynslóðina. Á þessum DVD-diski er að finna fjóra þætti: Hér er Díegó: Litli jagúarinn er í vanda staddur og þau Dóra og Díegó frændi hennar verða að fara í gegnum frumskóginn til að hjálpa honum. Stóra kartaflan: Benni finnur galdrastaf og breytir sjálfum sér óvart í kartöflu. Dóra þarf að finna leið til að breyta honum aftur til baka. Fjólubláa plánetan: Dóra og Klossi ferðast út í geiminn til að koma nokkrum geimverum til aðstoðar þar sem þær eru strandaglópar. Týnda borgin: Þau Dóra og Klossi fara í þessum þætti í heilmikla ævintýraferð í leit að týndu borginni.