Senna (2010)

Í þessari vönduðu heimildarmynd er farið yfir sögu Ayrtons Senna, brasilíska formúlu eitt ökumannsins sem sigraði í Formúlinni þrisvar sinnum áður en hann lést, aðeins 34 ára að aldri. Senna er að öðrum ólöstuðum talinn besti Formúlu eitt ökumaður sem komið hefur fram og er nánast í guðatölu í heimalandi sínu, ekki bara fyrir afrek sín á kappakstursbrautunum heldur einnig fyrir að vera sá maður sem hann var utan þeirra, en Senna var mikill ættjarðarvinur og gaf stóran hluta auðs síns til góðgerðarmála. Myndin spannar allan feril hans, allt frá því hann kom fyrst fram á sjónarsviðið til hins hörmulega dauðadags þann 1. maí árið 1994.