The Blues Brothers 1980
Aðgengilegt á Íslandi
The Most Dangerous Combination Since Nitro and Glycerine.
83% Critics Eftir að Jake Blues sleppur úr fangelsi, þá fara hann og bróðir hans Elwood að heimsækja "The Penguin", nunnu sem ól þá upp í heimavistarskóla. Þeir komast að því að erkibiskpusdæmið ætlar að hætta að styrkja skólann og ætla að selja menntayfirvöldum húsnæðið. Eina leiðin til að halda skólanum opnum er ef borguð verður 5.000 dala skattaskuld... Lesa meira
Eftir að Jake Blues sleppur úr fangelsi, þá fara hann og bróðir hans Elwood að heimsækja "The Penguin", nunnu sem ól þá upp í heimavistarskóla. Þeir komast að því að erkibiskpusdæmið ætlar að hætta að styrkja skólann og ætla að selja menntayfirvöldum húsnæðið. Eina leiðin til að halda skólanum opnum er ef borguð verður 5.000 dala skattaskuld innan 11 daga. Blues bræðurnir þurfa hjálp, og ákveða að setja aftur saman blús bandið sitt, og safna peningum með því að halda stóra tónleika. Þeir halda nú af stað í "sendiför á guðs vegum" en eignast óvini á leiðinni, og spurningin vaknar hvort þeim tekst ætlunarverk sitt.... minna
Aðalleikarar
Leikstjórn
Handrit
Svipaðar myndir
Gagnrýni (4)
The Blues Brothers er frábær klassísk mynd úr smiðju hins efnilega leikstjóra John Landis(tékkið líka á An American Werewolf in London) og kynnur okkur fyrir Bræðrunum Elwood(Dan Aykroyd) og Jake(John Belushi) sem, ásamt hljómsveit sinni afla peninga til styrktar munaðarleysingjahælisins síns gamla með tónleikum. Áður en þeir vita af eru þeir komnir með á hælunum kántrýhljómsveit, nasistahóp og Illinois lögregluna eins og hún leggur sig. Myndin þróast vel og stefnir út í endi sem veldur engum vonbrigðum og leyfir okkur að heyra Blúsbræðurna taka lagið Jailhouse Rock og gera það ódauðlegt. Húmorinn virkar á flestum sviðum og er það að öllu leyti Aykroyd og Belushi að þakka. Tveir flippaðir guttar sem þeir leika og hefur hvorugur þeirra verið betri. Einnig er gaman að sjá John Candy, Carrie Fisher og Twiggy í aukahlutverkum. Nokkrir soul og blúsarar(Cab Calloway, Ray Charles o.f.l.) koma við sögu en það hefur aðallega verið gert til að gefa myndinni réttan anda. Ekki alveg hæsta einkunn frá mér en kemst samt nokkuð nálægt því. Mjög góð mynd sem allir verða að sjá.
Þetta er svo sannarlega steikt mynd.
Myndin fjallar um bræðurnar Jake (John Belushi) og Elwood (Dan Aykroyd.) Jake kemst úr fanglesi eftir þrjú ár og kemst að því að kaþólska munaðarleysingjahælið sem bræðurnir ólust upp á á að eyðileggja. Þeir fara þá on a mission from god að safna saman gömlu hljómsveitinni sinni og ætla með þeim að vinna sér inn 5.000 dali til að bjarga hælinu.
Þetta er óttalega sniðug mynd verð ég að segja og góð mest allann tíman en nær ekki að verða neitt meistaraverk fyrr en í endann. Ó, já endirinn er án efa eitt besta, skemmtilegasta og fyndansta atriði kvikmyndasögunar.
Endilega kíkið á þessa mynd ef þið kunnið að meta almennilegt rugl og svartan húmor. Hit it.
Einhver fyndnasta mynd aldarinnar með þeim góð kunnugu Blues Brothers. Myndin heldur sínu fyndna og fáranlega fyndna striki báða tvo klukkutímana en eru nokkur atriði klisjuleg og ekki svona skiljanleg. Myndin hefur fyndnasta og besta endi í kvikmyndasögunni. HORFIÐ Á ÞESSA.
Tja..þessi mynd er stakasta snilld eiginlega og mun betri en sú seinni. Húmorinn er svartur og góður, tónlistin er náttúrulega algjör snilld og svo er einn af stærri hrúgum af löggubílum sem sést hefur á hvíta tjaldinu... Það koma svo margir algjörir gullmolar í myndinni að mar hlær að henni í hvert einasta skipti. En ef mar á að fíla þessa mynd þá þarf maður ekkert endilega að fíla Blúsinn, því að Bræðurnir eru svo miklir töffarar að maður gleymir sér stundum. Algjör gullmoli!
