Cemetery Junction (2010)

Þegar ég leigði þessi bíómynd var ég að búast við "Ricky Gervais og Stephen Merchant að reyna að gera gamanmynd sem væri líka drama en kæmi bara OK út."
En til lukku var svo ekki.
Ég hefði nú átt að vita betur að Ricky&Merchant liðið er andskoti gott lið enda hafa þeir skrifað mikið af úrvals gamanhandritum. En myndi þeim takast að gera góða gamanmynd sem myndi líka innihalda drama?
Svarið er Já.
Flesta aðalleikara í þessari bíómynd hef ég ekki séð oft en þeir færðu fram þessa karaktera mjög vel og var leikurinn frábær
HInsvegar var að hafa Ralp Fiennes og Emily Watson frábært og það mætti búast við að þau léku vel.
Það sem mér fannst best við fyndnu samtölin var hvað allir fóru með þá eðlilega eins og ekkert væri fyndið við samtölin. Þegar samt er verið að horfa á þessi mynd verður maður að vera meðvitaður um að þetta er líka drama mynd, og sumir hlutir eiga bara ekkert að vera fyndnir.
Karakterarnir í myndinni eru allir mjög vel þróaðir og það geta allir tengst þeim á einn eða annan hátt.
Þetta er semsagt vel útpæld mynd, með sterkum karakterum og gott jafnvægi milli húmors og drama.