Gwoemul (2006)

Hér er ein besta skrímslamynd síðustu ára og jafnvel allra tíma. The Host er mynd frá S-Kóreu sem segir frá fjölskyldu sem lendir í hringiðu atburða þegar stökkbreytt lífvera kemur upp á árbakkann og gengur berserksgang. Veran varð til þegar hermenn helltu úrgangsefnum í ræsin, kannski ekki frumlegasta hugmynd í heimi en virkar vel. Myndin er mjög vel gerð, veran er trúanleg og ferlega vel hönnuð. Mikill tími fer í hin ýmsu vandamál innan fjölskyldunnar en manni leiðist aldrei. Mæli með þessari sem urðu fyrir vonbrigðum með Godzilla og Cloverfield. Horfið á hana á frummálinu.

Myndin hefur unnið til fullt af verðlaunum í Asíu. Ég þykist ekki kunna á þessar asíksu hátíðar en hún vann verðlaun í Asian Film Awards (besta mynd), Baek Sang Art Awards (besta mynd), Blue Dragon Awards (best mynd) meðal annars. Það hefur lengi verið talað um að endurgera myndina í Bandaríkjunum en ekkert hefur verið ákveðið í þeim efnum.