Hún er strákur sem ég þekkti (2007)

Þessi mynd Gwen Haworth segir sögu hennar sjálfrar um breytinguna frá karli yfir í konu. Gwen notar viðtöl við sína nánustu, gamlar fjölskyldumyndir, teiknimyndir og talhólfsskilaboð til að segja sögu sína. Hún lýsir því hvernig henni hefur fundist hún vera kvenmaður í karlmannslíkama allt frá fjögurra ára aldri. Gwen hét Steven þegar hún var karlmaður og Steven hélt því leyndu fyrir öllum að hann vildi vera kvenmaður þangað til hann var kominn á þrítugsaldur.