Meet the Spartans (2008)

Héðan í frá geta menn gleymt því að kalla Uwe Boll og Ed Wood verstu leikstjóra allra tíma því Jason Friedberg og Aaron Seltzer eiga svo sannarlega heiðurinn, enda tveir fábjánar sem kunna ábyggilega ekki einu sinni að kveikja á kameru. Þetta er núna þriðja myndin sem þeir gera saman, og hvernig stúdíóin nenna að eyða dýrmætum seðlum í gubbið sem þeir búa til mun ég ALDREI skilja.Ef að þetta á að kallast húmor, þá heiti ég Gilitrutt! Þetta er ekki einu sinni fjarskyldur frændi húmors. Meet the Spartans er álíka fyndin og PETA vídeóin sem sýna hvað gert er við dýrin áður en þau verða að máltíðum. Það er bara ekki hægt að segja meira um myndina og menn geta grandskoðað þessi ósköp að vild, það er gjörsamlega ómögulegt að finna eitthvað jákvætt við hana.Ég fórnaði mínu lífi til að sjá þessa mynd svo ég gæti varað ykkur við (dýrlingurinn ég!), og þið verðið að treysta mér þegar ég segi að það er óhollt fyrir heilsuna ykkar að horfa á hana. Maður verður bara pirraður, fúll, leiður og bitur eftir þessar 80 mínútur, og það er nokkuð mikið afrek. Sérstaklega miðað við það að grínmyndir eiga að hafa öfug áhrif.1/10

 Meet The Spartans er ALLS! ekki fyndin mynd!.Ég sá sýnishornið.Það var ágætt.Ég hélt að þessi mynd væri bara mjög fyndin en.... Þetta er mesti hryllingur sem þú getur ímyndað þér!!!!!!!.Aulahúmor.Þetta er svona fyndið fyrir 6 7 8 9 ára krakka.En þetta er ein sú versta bara hér á Íslandi.Ömurlegur húmor og sóun á pening.En það er eitt gott comennt við þessa mynd.Maður brosti nú kannski einu sinni þarna í byrjunini.En hún fær 1/10 hjá mér sko.ÉG mæli ekki með þessari.Þú ert að búast við Epic Movie eða Date Movie.