Apocalypto (2006)

Myndin er ekki ósvipuð Breaveherat, að mörgu leit. Einföld saga, gerist á 3-4 dögum. Læt sagnfræðinga dæma hvort sögusviðið sé 100% rétt en myndin er eins og bíó á að vera, saga sem gegnur upp, hraði, spenna, frumlega og ástarsaga. Eltingarleikurinn, sem er hálf myndin, er hreint út sagt fræbær.

Áhugaverð mynd frá Mel Gibson. Hann tekur okkur inn í heim menningar Maja rétt fyrir endaloka hennar, og sýnir okkur grimmd hennar gagnvart þeim sem eru minni, þ.e. smærri kynþáttum indíána. Aðalsöguhetjan verður fyrir því að þorp hans er brennt og fullorðnir þorpsbúar fluttir nauðugir til einnar af borgum Maja. Megnið af myndinni fer í baráttu aðalsöguhetju okkar fyrir því að lifa af og ítrekuðum tilraunum kvalara hans til að murka úr honum líftóruna. Sosum ekki stórkostlegur söguþráður, en kvikmyndatakan er stórkostleg og útlit fólksins, fatnaður, hús o.flr. er samkvæmt bestu vitneskju fornleyfafræðinga myndin þónokkuð spennandi. Allt er gert til að gera allt útlit og yfirbragð sem réttast. Grimmd Majanna er sannleikanum samkvæm, enda voru mannfórnir stundaðar af siðmenningum indíána þar sem nú er Mið Ameríka og Mexíkó. En önnur grimm siðmenning var á leiðinni, hverjir þeir eru sjáum við í myndarlok. Einn tekur við af öðrum - það hefur verið saga mannkyns.

Skemmtilegi klikkhausinn hann Mel Gibson sýnir okkur núna endalok Maya siðmenningunnar gegnum ferðalag eins manns frá venjulegu og friðsælu lífi í þorpi til þrælahalds og kúgun óvina. Apocalypto er í takt við fyrri Gibson myndir, mikið af hræðilegu ofbeldi, fossandi blóði og innyflum og ekki gleyma þá er tungumálið sem talað er í myndinni eldgamalt og nánast útdautt. Aðalpersónan Jaguar Paw þarf að bjarga óléttu konu sinni og unga syni sínum meðan hann er hundeltur af óvinahermönnum, myndin byggist eingöngu á adrenalínflæði, burtséð frá hægari byrjun þá stoppar eltingarleikurinn nánast aldrei. Annars þjónar myndin sem skoðunarferð gegnum siðmenningu sem hvíti maðurinn frá Evrópu á eftir að gjöreyða, það má kalla það hálfgerða prédikun, eins og margar svona myndir eru sem fjalla um frumbúa. Gibson á það til að pynda áhorfendur með því að láta aðalpersónurnar gangast undir hræðilegar aðstæður, hann veltir sér í því kannski einum of en það hjálpaði Apocalypto. Hvort sem það er sadismi í honum eða einfaldlega ´hugmyndaríki´ þá breytir það litlu, það má finna hvaða tilgang sem er með sögunni en myndin er að sýna frá eyðingu Maya siðmenningunnar innanfrá en ekki utanfrá. Apocalypto er einnig tekin upp með High Definition myndavélum og það sést mjög vel gegnum alla myndina, það tekur kannski smá tíma að venjast en í heild sinni þá virkaði myndatakan mjög vel. Það var nóg af ofbeldi og fossandi blóði til þess að halda mér vel vakandi, en sagan er líka heillandi og það skiptir aðeins meira máli örugglega. Apocalypto er með betri myndum ársins 2006 segi ég, hún er á mörkunum að taka með sér þrjár og hálfa stjörnu en en ég læt hana vera með þrjár mjög sterkar stjörnur.

Apocalypto er nýjasta mynd Mel Gibsons önnur mynd hans í röð sem er ekki með ensku tali. Apocalypto er án ef eitt af bestu myndum 2006 og á skilið Óskarinn fyrir bestu erlendu mynd. Myndin er vel yfir tvo tíma en er ótrúlega fljót að líða, mér brá hreinlega þegar það var komið hlé. Myndin gerist á tímum Asteka og Maya í Mið-Ameríku. Í myndinni er nógu mikið að ofbeldi og miklu blóði, pínu brútal á pörtum. Í byrjun myndarinnar lenti ég í því að það var enginn texti fyrstu þrjár fjórar mínúturnar, ótrúlegt en satt gat maður alveg skilið hvað var í gangi þótt að þessi mynd væri á einhverju Asteka máli. Þótt að myndin sé mjög blóðug og ofbeldisfull eru fyrstu 20 mínúturnar nokkuð fyndnar en það er kannski til þess að undirbúa mann fyrir allt ofbeldið sem er framundan. Apocalypto er hröð, spennandi og mjög góð mynd allt í allt með mjög sniðugu twisti í endanum. Seinni helmingur myndarinnar er nánast bara eltingarleikur og er verulega spennandi. Apocalypto er án ef a eitt af bestu myndum 2006 og ég mæli eindregið með henni. Hún er raunveruleg, og það góða við hana að það er enginn frægur leikari í henni sem maður þekkir strax. Þessi mynd fær hiklaust þrjár og hálfa stjörnu frá mér, frábær mynd sem ég mæli sterklega með.