Twelve Monkeys (1995)

12 monkeys er frábær mynd um hvernig vírus nær að dreifa sér og drepa yfir 5 billjón manna árið 1996. Spennan er alltaf í hámarki og pælingar miklar sem gera þessa mynd að algjöru meistarastykki.


James Cole (Bruce Willis) er maður úr framtíðinni sem á víst að ferðast aftur í tímann til að koma í veg fyrir að þessi vírus nái að breiða úr sér. Ekki gengur honum sem skildi til að byrja með en fór hann á geðveikraheimili. Það var ekki fyrr en að hann rændi Dr. Kathryn Railly (Madeleine Stowe) og sannfærði hana um að þessi vírus væri að koma á jörðina og viti menn fyrr en varir var hún byrjuð að trúa honum, byrjaði hún þá að hjálpa honum að heifta útbreiðslu þessarar vírusar. Allt sem kom fyrir James Cole var hann þegar búinn að upplifa í draumi eða fyrir löngu síðan þar sem að hann var jú búinn að ferðast með tímavél fram og aftur í tímann. Geðsjúklingurinn Jeffrey Goines (Brad Pitt) stofnaði her apanna 12, en hélt James Cole að hann þyrfti að stoppa þá til að verjast vírusnum en svo var nú aldeilis ekki því að þeir voru bara með eitt markmið í huga og það var að frelsa öll dýr.


Brad Pitt stóð sig frábærlega en var þetta sú mynd sem koma honum á stjörnuhiminimm. Aldrei hefur mér líkað Bruce Willis en fannst mér hann standa sig ágætlega en passaði hann mjög vel í hlutverk sitt. Ég ætla ekkert að vera að segja mikið um Madeleine Stowe en var hún í rosa auðveldu hlutverki annað en Brad Pitt og Bruce Willis. Myndin var frábær og ég skemmti mér vel yfir henni allan tímann.

Árið er 2035 og hefur skæður veirufaraldur útrýmt stórum hluta mannkyns. Þeir fáu sem eftir eru búa nú neðanjarðar. Náungi einn að nafni Cole(Bruce Willis)er sendur aftur í tímann til ársins 1996 er faraldurinn byrjaði til að safna saman ýmsum upplýsingum fyrir fólk framtíðarinnar. Hér er á ferðinni afar vandað verk, Willis er í einu af sínum betri hlutverkum og Brad Pitt á hér einkar skemmtilegt "apperance" sem geðsjúklingur. Einnig er Madeleine Stowe fín. Plottið er flott og skilur eftir margar spurningar ósvaraðar. Topp mynd og skylduáhorf fyrir alla science fiction fíkla.

Ég skellti mér á DVD eintak af myndinni um daginn, enda langt síðan maður hafði horft á ræmuna. Fyrst þegar ég sá myndina þegar hún kom út var ég ekki alveg sannfærður en svo hefur maður horft á hana nokkrum sinnum og alltaf verður hún betri og betri. DVD eintakið af myndinni er svo sem ágætt og nokkuð löng heimildamynd um myndina fylgir (yfir 70 mín!). En að myndinni sjálfri, söguþráðurinn er nokkuð flókinn og ætla ég ekki að fara út í hann hér nema að litlu leyti. Taka verður þó fram að myndin fjallar um endalok siðmenningar að mörgu leyti og því verðugt umfjöllunarefni á þessum síðustu og verstu tímum. Lyktalaus veirusýking er vopnið (örugglega ekki svo ólík miltisbrandinum fræga um þessar mundir) sem ætlað er að stúta heiminum ef svo má segja. Bruce Willis lifði það af sem barn og hann er sendur aftur í tímann ca. 30 árum seinna og ætlað að bjarga heiminum. Brad Pitt leikur upphafsmann samtaka sem kenna sig við 12 apa og er ætlað að þeir hafi hafið þessar hörmungar. Madileine Stowe leikur sálfræðing sem er eina manneskjan sem trúir Bruce Willis þó hún hafi sínar efasemdir( ég meina hver myndi það ekki ef einhver nutcase eins og Bruce Willis segðist hafa komið aftur í tímann til að bjarga honum frá tortímingu!!). Söguþráðinum er snilldarlega fylgt eftir af meistara Terry Gilliam og efast ég um að einhver annar leikstjóri hefði náð að gera þessa mynd jafnvel og hinn skrýtni Gilliam. Gífurlega athyglisverð mynd að öllu leyti og skemmtilegar, mjög sjónrænar pælingar sem koma fram um framtíðina. Fjórar stjörnur.

Þetta er mjög góð og spennandi mynd. Bruce Willis kallin er alltaf seigur, Brad Pitt með þvílíka frammistöðu sem geðsjúklingurinn og Madeleine Stowe er allt í lagi líka. Mjög frumleg mynd. Mæli hiklaust með henni. Terry Gilliam er alveg frábær leikstjóri(Fear and Loathing in Las Vegas).

Algert meistaraverk úr smiðju Terry Gilliams sem fjallar um mann sem er sendur aftur í tímann til þess bjarga mannkyninu frá því að verða banvænni veirusýkingu að bráð. Á yfirborðinu er smá Terminator fnykur af söguþræðinum, en það kemur í ljós að Twelve Monkeys er ekkert ef ekki frumleg. Þetta er ein af þessum myndum sem maður veit ekki hvar maður á að hefja lofið. Kvikmyndataka, sviðsmyndir og allt útlit myndarinar er stórfenglegt, enda ekki öðru að vænta frá Gilliam sem hefur samt slegið sjálfum sér við hér. Söguþráðurinn er einnig frábær, mjög áhugaverður og forðast klisjur algerlega. Hér er alls ekki um neina týpíska hetjumynd að ræða. Allt er afar vel úthugsað og þó ekki sé erfitt að skilja myndina eru samt hlutir í henni sem eru opnir fyrir túlkun áhorfenda. Síðast en ekki síst eru leikararnir svo til óaðfinnanlegir. Bruce Willis sýnir bestu leikframmistöðu sína hingað til sem aðalpersónan, Madeline Stowe er sannfærandi sem sálfræðingur sem flækist inn í atburðarásina gegn vilja sínum og Brad Pitt skilar meistaralega frá sér hlutiverki geðsjúklings. Þegar horft er yfir síðasta áratug stendur Twelve Monkeys upp úr sem eitt það besta sem kom út af sci-fi myndum. Ég hvet alla sem ekki hafa séð þessa frábæru mynd að kynna sér málið, þið vitið ekki hverju þið eruð að missa af.

Brad Pitt og Bruce Willis fara á kostum í þessari mynd sem fjallar um mann sem kemur úr framtíðinni til að reyna bjarga jörðinni frá því að mannkynið deyi út af skæðri veiru!Alger snilldar ræma!

Frábær mynd! Terry Gilliam er frábær leikstjóri. Hann á mjög auðvelt með að túlka geðveiki á tjaldið, eins og hann gerði með Fear and Loathing in Las Vegas og þessa mynd. Brad Pitt sýnir frábæran leik sem algjört nutcase. Hann er einna bestur þegar hann leikur geðveika menn. Mæli pottþétt með þessari, ef þú þolir geðveikina.