Taxi 3 (2003)

Ég verð að játa það á mig að ég hef ekki horft á fyrstu tvær Taxi myndinar. Taxi 3 var engu að síður frábær skemmtun og kom mér verulega á óvart. Franskar myndir hafa oft verið í svolitlu uppáhaldi hjá mér og þá aðallega franski húmorinn. Hér fékk ég minn skammt af honum og leið ekki langur tími milli brandara. Hasaratriðin voru mjög flott og var hraðinn mikill. Ég get ekki kvartað undan neinum leikara og voru allar persónur mjög fínar. Þetta er svolítið öðruvísi grín/hasarmynd en maður er vanur að sjá úr Hollywood heiminum og er ekkert nema gott um það að segja. Tónlistin var svolítið sérstök en myndatökurnar gengu vel upp. Taxi 3 er alveg 3.stjarna afþreying.

Þvílík gargandi snilld, ein best heppnaðasta spennu/grín mynd síðan I Kina Spise de Hunde. Að mínu mati mun betri en Taxi2 og jafnvel betri en fyrsta myndin. Þótt söguþráðurinn se ekkert frábrugðin fyrstu myndunum þá er hún bara svo helvíti fyndin að restin skiptir ekki máli.

Luc Besson klikkar ekki hér frekar en fyrri daginn, skrítið þó hvað þessi þriðja Taxi mynd hefur fengið litla umfjöllun því hún er ekki mikið lakari en hinar, kanski er það bara það sem flestir reikna með. Myndin segir auðvita af gamla tvíeikinu sem er að reyna að ráða niðurlögum glæpahrings í frakklandi, eins og í fyrri myndunum þá gengur það mis vel og með spaugilegum afleiðingum og geggjuðum bílaatriðum. Fín mynd í flesta staði sem þó nær ekki að toppa forvera sína en er meira en þess virði að sjá.