American Wedding (2003)

American Pie 3 er alveg ágætismynd. Rosalega fyndin á köflum samt ekkert of frumleg. Þetta er svona áframhald sem hafði litla möguleika en ég er bara ásættanlega ánægður með hvernig þetta gekk. Persónulega veit ég ekki hvor myndanna var best, þær voru svo svipaðar allar. Stifler heldur myndinni mest allri uppi og líka Fincherinn. Það er nóg af berum brjóstum og nöktu fólki í myndinni til að viðhalda áhuganum ef manni leiðist. Bara ekki vera að búast við meistaraverki, þín jarðaför.

Árið 1999 sló myndin American Pie óvænt í gegn í kvikmyndahúsum. Í kjölfarið kom svo afarslappt framhald og nú er komin þriðja myndin, American Wedding. Í þessari mynd er komið að brúðkaupi Jims (Jason Biggs) og Michelle (Alyson Hannigan). Þau eru að vonast eftir draumbrúðkaupinu og allt gengur eins og í sögu þar til Steve Stifler (Sean William Scott) skýtur upp kollinum og er ekki sáttur við að það átti ekki að bjóða honum. Hann fer óumbeðin að skipuleggja steggjarpartý því fyrir honum snýst brúðkaup um djamm og stelpur. Hvert óhappið rekur annað og svo virðist sem allt sé á móti því að þau giftast. Inn í atburðarrásina fléttast svo foreldrar Jims og Michelle, vinir þeirra, ömmur, systur, gæludýr og fleira. Það verður að segjast eins og er að þessi mynd er samtíningur af órökréttum og lélegum bröndurum. Það er búið að margtyggja þessa brandara svo að úr verður léleg klisja. Ofleikur Sean Williams er hreint hroðalegur. Maðurinn getur einfaldlega ekki leikið. Neðanbeltishúmorinn er allsráðandi. Handritið er fáránlegt og söguþráðurinn fer um víðan völl. Forðist þessa.

American Pie er 3 og síðasta myndin með þeim Jason Biggs, Alyson Hannigan, Seann William Scott Eddie Kaye Thomas

og Ian Nicholas. American Pie 3 eða American Wedding er besta

myndin af öllum þrem og lang fyndnust. Það eru mörg fyndinn atriði í myndinni og eitt af því fyndnasta er á hommabarnum þar sem Steve Stifler (Seann William Scott ) dansar á móti homma

sem er mjög fyndið. Góð skemmtun, góðir leikarar, og fleira...

3 stjörnur á hún skilið.

Hef sjaldan séð jafn mikið eftir tíma mínum og peningum eins og þegar ég gerði þau mistök að fara að sjá american wedding...

(og ætla mætti að ég hefði lært af mistökum mínum þegar ég eyddi pening og tíma í The hot chick !) allavegana,, þá er american wedding einhver sú allra leiðinlegasta mynd sem ég hef séð.. Enda er mín hugmynd um fyndin atriði ekki sú að sjá fólk gleypa punghár og borða hundaskít.. Held að ég læri af mínum mistökum hér eftir og vandi myndavalið betur...

American Wedding


Sagan um líf Jim og félaga heldur áfram í einni fyndnustu mynd sumarsins. Nú er komið að því, brúðkaup Michelle og Jim er á næsta leyti. Ekki ætlar það að ganga eins og í sögu eins og hvað annað sem þeir félagar taka fyrir höndum. Systir Michelle mætir í brúðkaupið en er það Finch og Stifler sem rífast um hana, Stifler breytist úr kynvilltum stráki yfir í saklausan háskólastrák til þess að heilla systir Michelle. Kvöldið fyrir brúðkaupið lítur út fyrir að allt muni ganga upp en drepur Stifler þá blómin sem Michelle valdi fyrir brúðkaupið. Ekki er það bakan sem er í aðalhlutverki hérna eins og í fyrstu myndinni heldur er það rakvélin sem Jim tekur fyrir höndum og ákveður hann að raka á sér skapahárin fyrir Michelle.


Hér er um að ræða frábæra grínmynd sem er jafnframt þriðja american pie myndin. Leikstjórinn Jessa Dylan gerði þessa mynd en hefur hann gert eina aðra mynd sem heitir How High. En ég verð að segja að honum tókst mun betur með þessa mynd heldur en þá fyrri. Var það Seann Willam Scott (Stifler) sem hélt stuðinu gangandi í þessarri frábærru gamanmynd líkt og hann gerði í fyrri tveimur.

Jæja, þá er komið að þriðju sneiðinni af Bandarísku bökunni. American Wedding býður upp á meira af því sama og hinar gerðu, þannig að ferskleikinn er að mestu leyti horfinn, en viti menn, skemmtanagildið er enn á sínum stað. Flestir úr gamla leikhópnum eru farnir en það þýðir ekkert að syrgja þá, því þeir sem standa eftir standa sig ágætlega. Hins vegar er það ekki lengur Jason Biggs sem er aðalmaðurinn á skjánum, heldur er það enginn annar en Seann William Scott, og hann er bara vægast sagt frábær í hlutverki Stifler's, sem fær núna enn meira að gera en nokkru sinni fyrr. Eugene Levy er líka alltaf sprenghlægilegur með sínar endalaust drephlægilegu ræður, og Fred gamli Willard bætist líka við hópinn og er varla síðri í hlutverki föður brúðurinnar. Þegar maður sest niður til að glápa á mynd sem þessa þá eru væntingarnar ávallt stilltar á húmorinn, og að mínu mati stóðst þessi þær væntingar ákaflega vel. American Wedding nær að sjálfsögðu ekki hæðum fyrstu myndarinnar en mér þótti hún a.m.k. mun fyndnari en mynd nr. 2. Eins og má vita, þá fylgja allar þær hefðir sem fara eftir American Pie-formúlunni. Vandræðalegar aðstæður finnast hér í stórri tölu, sem og greddubrandararnir. Eins og áður sagði er það Stifler sem fer hér á kostum og er í ca. 90% af öllum fyndnustu atriðum myndarinnar. Helst ber þar að nefna dansatriði hans á hommabarnum. Hvílík snilld! og skondið soundtrack. Svo er eflaust best að segja ekki of mikið frá sjúkasta atriði myndarinnar. Mér dettur hins vegar í hug myndina Pink Flamingos í samhengi við þann djók. Stór hluti af því hvers vegna þessar Bökumyndir ganga svona vel upp er vegna þess að þær hafa alltaf skilið eftir pláss fyrir góða persónusköpun/þróun, og þessi er alls engin undantekning. Ég skil samt ekki hvers vegna hún skuli hafa slitið ýmsum tengslum án nokkurra útskýringa (hvers vegna var t.d. ekkert minnst á Oz (var ekki alltaf talað um að þeir félagar yrðu vinir ævilangt?) eða nokkurn annan af fyrri meðlimunum? o.s.frv.), en það bíttar svosem ekki miklu. American Wedding bíður upp á allt það sem maður getur búist við af American Pie-mynd. Vissulega endurtekur hún suma brandara, en hún er mjög fyndin engu að síður og er í heild sinni bara bráðskemmtileg afþreying. Fínasta kvöldskemmtun og - eins og áður - nóg af brjóstum.7/10

Hmm, hvað er hægt að segja um gaman mynda seríu, sem er kominn á 3 myndina. Voðalega lítið en: Æji já, þessi brandari. Eða: nú fer þessi brandari að byrja. Og þannig Er nú þessi blessaða mynd. Húmorinn genur alltaf upp á það að gera lítið úr einhverjum veslings drengnum, á sama tíma og aðrir karakterar halda dauðataki í þessa einu línu, sem nokkurntíman virkaði hjá þeim. En aðsjálfsögðu getur maður alltaf hlegið að þessu. En það er engum öðrum að þakka en honum Seann William Scott (Steve Stifler). Auðvitað vantaði nokkra af þeim sem léku´í upprunulegu útgáfunni, en ekki þýðir að gráta það (og fagna ég því reyndar óheyrilega). Söguþráðurinn segir sig svo sem sjálfur. Brúðkaup, og ef þið getið ýmindað ykkur einhver vandræði, þá líklega getið þið séð sjónrænu útgáfu af þessu í American Weeding.

Sumir hér finnast myndin vera grút léleg - en það era bara út af því að þetta sé ekki rosalega klámmyndin sem allir bjuggust á, sættið ykkur við það - þessi mynd er frábær og skemmtileg - MIKLU betri en hinar tvær!

Þetta er að mínu mati besta og fyndnasta American Pie myndin því þetta er bara klassík! Stifler er mjög stórt hlutverk í þessari mynd og hann er ekkert nema snilld! Ég hló miklu meira af þessari mynd heldur en hinum tvem myndunum og ég hélt að það væri ekki hægt að toppa það. Eitt besta við myndina eru Stifler og Finch sem skipta um hlutverk til að heilla Cadence, systur Michelle, en Stifler heillar mömmu hennar meira því hann setur sig í hlutverk tengdasonarins sem allar mæður dreymir um! Þetta er æðisleg mynd sem ég mæli með fyrir alla!

Þriðja American Pie myndin er álíka góð (ef ekki aðeins betri) en sú síðasta. Eftir tvær myndir erum við áhorfendur margir hverjir farnir að kunna vel við persónurnar og það eru þær sem halda myndinni uppi. Í þetta sinn er komið að brúðkaupi Jims og Michelle, en hlutirnir fara heldur betur að verða skrautlegir þegar Stiffler fréttir af brúðkaupinu. Móðuriðillinn Finch (Shitbreak) snýr einnig aftur í þetta skipti ásamt auðgleymanlegustu persónunni, Kevin. Michelle er reyndar eina kvennkyns persónan sem er enn um borð, en það er bætt upp með því að kynna nýja persónu til leiks: systur hennar. Brandararnir eru margir og góðir og steggjunin sem Stiffler heldur fyrir Jim er gjörsamlega ógleymanleg. Það er ekki hægt að segja að serían sé farin að þynnast eftir þessa mynd, en ég held samt að þetta sé góður tími til að láta staðar numið. Eitthvað hef ég heyrt um að fjórða myndin sé í bígerð og að hún gæti heitið American Baby, en þetta hljómar ekkert sérstaklega vel. Í stuttu máli er þessi mynd meira af því sama, sem er alls ekki slæmt í þessu tilfelli.

Ef þú fílaðir hinar myndirnar, ættirðu að fíla þessa. Það er mun meiri húmor í þessarri en hinum 2. Þetta er þriðja og síðasta myndin í seríuni og sú findnasta að mínu mati. Húmorinn er oft voða eins, svolítið fyrirsjáfanlegur og stundum svolítið ýktur, en engu að síður findin mynd og fékk mann oft til að hlægja. Hún hefði ekki mátt vera mikið lengri því ég var kominn með svolítið leið í endann. Leikararnir voru góðir og ekkert útá þá að setja. Tónlistin var fín, þ.e.a.s. var þetta aðalega tónlist eftir ýmsa flytjendur eins og í flestum unglingamyndum. En ég mæli með þessarri ef þú vilt sjá eitthvað findið, fínasta skemmtun.