House of 1000 Corpses (2003)

Bíðið nú aðeins við, HVAÐ Í ANDSKOTANUM ER ÞETTA?!!!
Gamall karl húðflettur og svo kemur einhver náungi sem lítur út
eins og Riff-Raff í The Rocky Horror Picture Show klæðir sig í skinnið og fer og hræðir dóttur hans! OG ÞAÐ Á AÐ VERA CREEPY!!!
Rob Zombie gerir það gott með músíkina en í kvikmyndabransanum á hann jafn mikla möguleika og snigill í maraþon-hlaupi!

Einhverjir krakkar fara út í sveit, fara á morðingja freak-show þar sem þau læra um fjöldamorðingjann Dr. Satan og gröf hans einhverstaðar skammt frá, ætla að fara að mynda og skrifa grein um hana en lenda í fjölskyldu sem húðflettir, fjarlægir höfuðleður og býr til HAFMEYJU!!! úr fólki!


Ég vona að Rob Zombie eigi eftir að taka sig á og flytja úr bransanum og sverja þann eið að gera aldrei aftur kvikmynd.

(ekki einu sinni hugsa um að þessi mynd sé skemmtilegr fyrir krakka því ég er einn slíkurog fyrirlít þessa mynd!)

Boring þetta orð lýsir myndinni alveg 100%.

Myndin er bara ógeðsleg og sick og söguþráðurinn er ripp off af texas chainsaw massacre nema þessi er léleg á allan hátt.

Auðvitað eru unglingar sem villast og enda hjá fjölskyldu (hér kemur það óvænta) sem drepur og pyndir fólk sér til skemmtunar og volla hér er kominn söguþráður að myndinni.

Þetta væri kanski skárri mynd ef þetta væri ekki 1000 skitpið sem þessi söguþráður er notaður.

Sparið ykkur tíma og pening og gleymið bara þessari.

Cool mynd. Hún var sonna nógu spooky í sjálfri sér... en það sem gerði þetta að hrollvekju var allt þetta ógeðslega dæmi, t.d. flá skynn af einhverju öðru en dýri, skera upp lifandi, pína, nauðga og svo einhvað sé nefnt... og það er bara byrjunin :). Bill sem lék Otis var mjög sonna creepy, eins og allir í klikkuðu fjölskyldunni þarna.... og endirinn.... vá hann er... ehemm jájá hann er flottur... tónlistin er líka fín... flott mynd, allir að sjá! :) OK, kannski ekki allir, bara lítill hópur sem er fyrir sonna lagað... eins og ég :) Svo er líka hægt að hlæja þarna og soleis. Þessi mynd er flott.

Þegar ég leigði þessa mynd varð ég svakalega spennt afþví henni var líst svo vel á hulstrinu! Svo þegar ég byrjaði að horfa á þessa mynd þá leiddist mér meira og meira með hverri mínútunni sem leið!!!!! Þessi mynd er frekar fyrirsjánleg og það er mjög asnalegur söguþráður í henni.... um einhverjar krakka sem eru í ferðalagi og ákveða að skoða morðingjasafn sem vekur áhuga þeirra þannig þau ætla að skoða stað sem einn morðingin á að vera á. Skyndilega breytist það í verstu martröð þeirra.... :S!! Eina sem er gott við þessa mynd það er að hún er vel gerð! En ef ÞÚ ert að leita þér að mynd til að sjá.... ekki sjá ÞESSA!!!!!!

Ég verð að segja að þetta sé ein af þeim verstu myndum sem ég hef séð. Ég hélt að þessi mynd væri svona ágæt en hún var í rauninni ömurleg. Ég skildi nær aldrei hvað var að gerast í myndinni svo komu oft inní myndina svona einhver asnaleg brot sem áttu víst að vera scary eða eitthvað, ég veit ekkert hvað það kom myndinni við. Þá komu svona brot af stelpunum 2 sem voru í myndinni að hlæja eða eitthvað, asnalegt.Hvað var Rob Zombie að hugsa að fara leikstýra kvikmynd?? Hann á bara að halda sig við tónlistina, hann semur góða tónlist, ef það kemur önnur mynd út eftir hann þá ætla ég pottþétt ekki að horfa á hana.
Það er orðið svakalega mikið í dag um það að ríkir og frægir tónlistamenn og hljómsveitir framleiði kvikmynd og leikarar fara að syngja sem í flestum tilvikum er ömurlegt, leikarar eiga bara að leika en ekki að gefa út tónlistardisk og söngvarar eiga bara að syngja en ekki að leika í kvikmyndum.Og hananú.....

OK, þessi mynd fékk reglulega lélega dóma frá gagnrýnedum almennt. Enda þannig gerð myndar sem mjög auðvellt er að jarða: Óraunsæ, ofleikinn, með mjög grunna persónusköpun (fyrir utan klisjukenndu splatter-geðsjúklings týpuna). Dauðarokkarinn Rob Zombie fékk þó að öllu heldur frekar þó stundum frekar ósanngjarna dóma því með frumlegri kvikmyndatöku og skemtilegum atriðum(sérstaklega þegar mjög svo pirrandi lögregluþjónn er tekinn af lífi) sýnir hann framá að hann hefur hæfileika til að verða ágætis leikstjóri.

House of 1000 Corpses er EKKI góð mynd, þetta er LÉLEG mynd, virkilega LÉLEG mynd.

En höfðar samt til þeirra hluta sem hryllingsmynda cult classic myndir er gerðar úr, þó svo ég stórefist um að þessi fái að hanga á vegg með myndum einsog Nightmare on Elmstreet eða Jason goes to hell.


Tvenn kærustupör eru að flakka um þjóðvegi bandaríkjanna, því þau eru að skrifa bók um hina furðulegu hlið Norður-Ameríku sem er leynd fyrir hinum hefðbundna túrista. Í afdala, sveitavarga héraði rekast þau á hrillings-freakshow safn og strákarnir telja það vera fullkominn stað til að skrifa um. Þar fá þau skoðunarferð inní heim fjöldamorðingja og geðsjúklinga

(sem allir hafa prítt sögu bandaríkjanna) og einnig kynnast þau sögu hins hræðilega Dr.Satan sem átti víst að hafa verið fjöldamorðingi í héraðinu fyrir áratugum síðan. Eftir þessa skemtilegu og frekar taugatrekkjandi skoðunarferð vilja krakkarnir fá teikningu af grafarstað Dr.Satan en það hefðu þau betur látið ógert. Þau villast af leið og enda inn í húsi fullu af morðóðum geðsjúklingum.


Áhorfandinn kynnist karakter sem minnir skuggalega á Riff-Raff sem við hlógum að í Rocky Horror Picture Show fyrir 25 árum síðan, það vill svo skemtilega til að gaukurinn ber nafnið Otis(Ottis Tootle var félagi Henry Lee Lucas og saman eiga þeir að hafa drepið um 500 manns í bandaríkjunum snemma á 8. áratugnum) og enn fremur hinni 19ára kynþokkafullu Baby: snargeggjaðri frekjubuddu með ljósa lokka og stóran beittan hníf. En þessir karakterar eru eftir-minnilegastir. Andrúmsloftið í þessari mynd minnir óþægilega á Texas Chainsaw Massacre og maður fær það á tilfinninguna að Rob Z. hafi fengið margar hugmyndir lánaðar þaðan.

Þetta er nú eitt allra mesta rugl sem ég hef nokkru sinni séð! Söguþráðurinn er álíka asnalegur og hann er ruglingslegur og ætla má að Rob Zombie hafi verið með kveikt í einhverju fleiru en reykelsi þegar hann skrifði þessi ósköp. Allir leikarar eru hörmung, engin óvænt flétta og ekki einu sinni ein svöl sena í myndinni sem flestar hrollvekjur geta þó státað af. Ekkert slíkt hér. Ég hef nú ekki talist mikill aðdáandi sólóferils Rob Zombie í tónlistinni séð en tröll eigi mig ef að hann er ekki bara tær snilld miðað við þennan stutta feril hans sem leikstjóra. Ef Rob vill á einhvern hátt gera komandi kynslóðum jafnt þeim sem nú eru upp greiða þá skal hann hætta þessari vitleysu strax. Það versta við þetta er að myndin er það vond að sennilega verður gert framhald!

Ég verð að segja að ég vissi í raun ekkert um þessa mynd áður en ég ákvað að renna í gegnum hana. Í byrjun myndarinnar sá ég svo nafn Rob Zombie sem ég hélt hingað til að væri tengdur tónlist frekar en kvikmyndum. Það kom svo í ljós við áhorf þessarar myndar að hann ætti að halda sig við tónlistina. Mig virkilega langaði að slökkva á myndinni en ákvað að sjá hana alla til að ég gæti nú myndað mér skoðun á henni sem heild. Og eftir að hafa séð hana alla verð ég að segja að annan eins skrípaleik hef ég ekki séð. Ég vona að Rob komi ekki nálægt kvikmyndum í framtíðinni ef þetta hugarfóstur hans er eitthvað sem maður getur átt á hættu að sjá frá honum í framtíðinni, þar sem hann er ekki bara leikstjóri heldur handritshöfundur einnig. Ég eyði ekki orðum í söguþráð myndarinnar sem er ekki af ástæðulausu, hvet fólk eindregið að láta þessa mynd framhjá sér fara.......

Ég get nú ekki sagt að ég hafi horft á þessa mynd með miklar væntingar í huga eftir að hafa lesið umfjallanir á Internet Movie Database. Átti von á týpískri krakkahryllingsmynd en þessi mynd er verri en allt vont sem ég hef séð og er það talsverður fjöldi af vondum myndum. Hún er illa skrifuð, illa leikin og fyrirsjáanlegri en allt sem ég hef séð. Þessa mynd viljið þið hvorki sjá í bíó, á spólu né í sjónvarpi.