The 51st State (2001)

Samuel L. Jackson í skotapilsi! Hver hefði trúað því að mesti töffari kvikmyndaleikara nú til dags mundi ganga í skotapilsi. En samt er hann flottastur. Samuel L. Jackson leikur Elmo McElroy, efnafræðisnilling sem finnur upp fullkomna eiturlyfið. Hann svíkur bossin sinn, eðluna (Meat Loaf) og fer til Englands til að selja vöruna sína. Þar verður hann sóttur af hinum mikla Liverpoolaðdáanda Felix DeSouza (Robert Carlyle; Full Monty og Trainspotting) sem hugsar næstum ekki um annað þá dagana en að tryggja sér miða á leikinn FC Liverpool gegn Manchester United. Eftir það eru þeir félagar óaðskiljandi. Emily Mortimer (The Kid) leikur Dawn Dakota Parker sem er fyrrverrandi hans Felix og er leigumorðingi fyrir eðluna. Hún á fyrst að drepa Elmo en svo lætur eðlan hana vernda hann. Í aukahlutverkum eru Rhys Ifans (Notting Hill og Kevin & Perry go large) og Sean Pertwee sem er lögga. Ronny Yu hefur ekki verið beint í uppáhaldi hjá mér fyrir Bride of Chucky (ein af lélegri mydum sem ég hef séð) en kom mér á óvart með ágætri leikstjórn. 51st State er sprenghlægileg og frekar gróf hasarmynd.

Elmo McElroy (Samuel L. Jackson) er efnafræðisnillingur sem vinnur við það að finna stöðugt upp á nýjum eiturlyfjum sem yfirmaður hans, hinn snargeðveiki glæpamaður The Lizard (Meat Loaf) selur síðan. En McElroy er búinn að fá nóg af því að vera eingöngu þræll fyrir bófann og því stingur hann af með formúlu í höfðinu á sér fyrir byltingarkenndu eiturlyfi. The Lizard er að sjálfsögðu ekki ánægður og sendir á eftir honum leigumorðingjann Dawn (Emily Mortimer). McElroy heldur til Liverpool í Skotapilsi og ætlar að semja annaðhvort við Leopold Durant (Ricky Tomlinson) eða Iki (Rhys Ifans), tvo helstu glæpamenn borgarinnar um formúluna. Sá sem bíður betur fær hana. Inn í þetta flækjast síðan hinn seinheppni smákrimmi Felix DeSouza (Robert Carlyle), spillta löggan Virgil Kane (Sean Pertwee) sem vill fá sína sneið af kökunni, snarruglaðir nýnasistar og það sem er verst af öllu, The Lizard sjálfur til Liverpool í hefndarhug.

Það yrði kannski seint sagt að þessi mynd væri neitt merkileg og þetta er engin Guy Ritchie mynd eins og Snatch. eða Lock, Stock and Two Smoking Barrels en asskoti hefur hún mikið skemmtanagildi. Ef maður gleymir bara heilanum á sér heima þá er þessi mynd príðisgóð skemmtun. Bæði tónlist og myndataka (eins og í Fight Club og Snatch.) er vel heppnuð og klippingarnar eru einnig skemmtilegar. Kannski er það bara ég en mér hefur alltaf fundist eitthvað ómótstæðilegt við fullt af hálf-misheppnuðum og kolrugluðum glæpamönnum sem eru allir á höttunum eftir sama hlutnum og eru stöugt að flækjast fyrir hvor öðrum. Enda er þessi mynd borin uppi af skörpum samtölum og leik.

Samuel L. Jackson er að venju svalastur allra og ekkert meira. Robert Carlyle er stórskemmtilegur sem vandræðagemsinn og ákafi Liverpool-aðdáandinn Felix. Hann og Jackson mynd ágætis par. Sean Pertwee sem spillta löggan er fínn (hann minnti mig reyndar svo mikið á Gary Oldman að ég hélt að þetta væri Gary Oldman), hinn ávallt skemmtilegi Rhys Ifans er það áfram og Meat Loaf (sem ég fékk dálítið álit á sem leikara eftir að ég sá Fight Club) er frábær aftur hér sem snargeðveikur glæpamaður.

Eini tilgangur þessarar myndar er að skemmta og ef henni tekst það þá fer ég ekki fram á meira. Henni tekst það í mínu tilviki.

Hér er alls ekki slæm mynd á ferðinni, en maður bjóst við meiru miðað við hvaða leikarar eru hér um að ræða. Samuel L. Jackson og Robert Carlyle eru kannski ekki besta tvíeyki sem sést hefur á hvíta tjaldinu, en eru þó mjög traustir saman og spila skemmtilega af hvor öðrum.Jackson sýnir engin stórkostleg tilþrif hér, og jafnvel þótt að hann leiki efnafræðing í skotapilsi (hverjum hefði nokkurn tímann dottið í hug að sjá Shaft í skotapilsi?) tekst honum samt einhverra hluta vegna að vera aðaltöffarinn í myndinni. Carlyle fylgir sínum ávana, og er í hlutverki þar sem hann leikur líflega bretan sem talar einum of mikið. Hin eldheita Emily Mortimer kemur þónokkuð vel út sem leigumorðingjakvendi og Rhys Ifans tekst oftar en ekki að fá mann til að brosa. Ég var hins vegar mjög ósáttur við Meat Loaf, sem var ósköp leiðinlegur og fullýktur í sínu hlutverki sem aðalforinginn.Söguþráður myndarinnar er algjör beinagrind en þó má hafa gaman að því hvað hann er stundum ófyrirsjáanlegur. Húmorinn er mjög mistækur að vísu. Samræðurnar á milli Jackson's og Carlyle's eru bráðfyndnar (og atriðið sem stóð mest upp úr var þegar Carlyle segir línuna "take care of him" við mann sem algjörlega misskilur beðnina), en svo gengur húmorinn oft mjög langt og fer út í vitleysu, eins og t.d. klósettbrandararnir og endalausu djókarnir á það hvað er undir pilsinu hans Jacksons.Í myndinni finnast þó mörg hröð og gífurlega flott skot, og sömuleiðis öflug tónlist. The 51st State er á tíðum skemmtileg, og fyndin. Leikararnir eru góðir, en handritið hefði þurft meiri fínpússun og myndin eiginlega dettur alveg úr gír í hvert sinn sem hún reynir að vera eitthvað annað en gamanmynd, enda nokkuð spennulaus.6/10

Ég fór á þessa mynd án þess að hafa nokkra flugu hvernig mynd þetta væri. Samvinna þeirra Jackson og arlyle er hrein snilld. Ég og vinur minn veinuðum úr hlátri alla myndina. En þótt að myndin er lík Long stock and...þá verð ég að segja að þessi mynd er frábær skemmtun frá upphafi til enda og ég gæti sagt að hún dettur ekki niður eins og myndir vilja oft gera. Breski húmorinn er fín blanda með Jackson. Mæli með henni SNILLD!!!

Ég sá þessa mynd þegar að mér var boðið á hana á sérstaka Undirtónaforsýningu. Þessi mynd fjallar um McElroy(Samuel L. Jackson) sem að finnur upp eitthvað súper eiturlyf sem á að vera betra en öll önnur eiturlyf sem hann ætlar að selja.

Ég verð að segja að þessi mynd fannst mér ekki nógu góð. Hún er stundum nokkuð fyndin á tímum en það þýðir ekkert. Miðað við að hafa svona þvílíkt góða leikara í þessari mynd og gera svona miðlungsmynd, það er bömmer. Mæli ekki með þessari.

Ég sá þessa mynd á óvissusýningu í Laugarásbíói síðustu helgi. Þetta er alveg frábær mynd. Ég vissi ekkert um hana áður og væri ekki vís til að hafa farið að sjá hana hefði þetta ekki verið óvissusýning. Myndin kom þvílíkt á óvart. Ef ykkur langar í bíó faarið og sjáið þessa!

Loksins gátu bretar og kanar unnið saman og búið til góða mynd. Þessi mynd skilur kannski ekki mikið eftir sig en skemmtana gildi hennar er alveg 9 af 10 mögulegum.

Samuel L. Jackson er hrein snilld eins og honum er lagið. Hann lekur efnafræðing sem hefur ekki náð eins langt í lífinu eins og hann vildi og nú vill hann breyta til. Og það eitt saman að fá að sjá Samuel L. Jackson Í skotapilsi er 800 hundruð króna virði. Svo koma líka til sögunar Robert Carlyle en hann hefur meðal annars leikið í Trainspotting, ef þú áttar þig ekki á hvern hann lék þá var hann gaurinn sem kastaði bjórkönnunni fram af handriðinu og fór að slást. Hann skilar sínu svo sannarlega með ágætum og hann er púllari. Einnig vill ég nefna Rhys Ifans en hver man ekki eftir honum í Notting Hill á nærbuxunum, hann var bara flottur þar og við fáum meira af honum hér. Sá sem síst átti góðan leik er Meat Loaf en hann leikur ein aðal gangsterinn og skilar því svo sum temmilega en hann var ekki að gera neina stór sigra á tjaldinu. Þessi mynd er frábær, tónlistin var góð og átti vel við, einnig var kvikmynda takan góð og hvað orðið “shit” kom oft fyrir var bara hrein snilld. Eina sem gæti skemmt gleðina er að kunna ekki næga ensku þá á ég við breska ensku þar sem að mikið af bröndurunum eru gerðir með það í huga.