Speak No Evil 2022

Hollensku hjónin í myndinni, Karin, sem Karina Smulders leikur, og Patrick, sem Fedja van Huêt leikur, eru gift í alvörunni.

Leikstjórinn og handritshöfundurinn Christian Tafdrup fékk hugmyndina í fríi í Toskana á Ítalíu. Þar hitti hann og fjölskylda hans vinaleg en dálítið félagslega heft hjón frá Hollandi. Þeim varð vel til vina og þau eyddu miklum tíma saman. Þegar Tafdrup hjónin fóru aftur heim þá fengu þau boð frá þeim hollensku um að koma í heimsókn til Hollands. Taufdrup hugsaði málið en ákvað að þiggja það ekki, þar sem honum fannst skrýtið að vera hjá fólki sem þau í raun þekktu ekki neitt. Hann hitti þau aldrei aftur en hætti ekki að hugsa um hvað hefði gerst ef hann hefði þekkst boðið. Nokkrar af myrkustu hugmyndum hans urðu grunnurinn að handritinu. Taufdrup segir að myndin sé bara drungaleg fantasía, og hollensku hjónin sem hann kynntist séu örugglega besta fólk.