Beside Bowie: The Mick Ronson Story (2017)

Heimildarmynd um Mick Ronson sem átti stóran þátt í að skapa gítarsándið sem einkenndi glamrokk-tímabilið á ferli Davids Bowie, en Mick var gítarleikari sviðshljómsveitar Bowies, The Spiders From Mars. Mick Ronson fæddist í maí árið 1946 í Hull í Bretlandi og lést langt um aldur fram vegna krabbameins í lifur, aðeins 46 ára gamall árið 1993. Í myndinni er farið yfir feril Micks, bæði sem sólólistamanns og sem aðstoðarmanns annarra og rætt við fjölda fólks sem þekkti hann vel.