Conan the Destroyer (1984)

Þetta er allt í lagi afþreying en þetta er samt ekki eins góð mynd og fyrri myndin en samt fín,það er fínn húmor góð bardaga atriði en söguþráðurinn er að mínu mati aðeins of líkur þeirri fyrri en samt er þetta góð afþreying.

Conan The Destroyer er framhald hinnar geysigóðu Conan The Barbarian. Aftur fer snillingurinn Arnold Schwarzenegger með aðalhlutverkið, en aukaleikararnir eru ekki jafn góðir og í fyrri myndinni. Þó kom gamli körfuboltakappinn Wilt Chamberlain skemmtilega á óvart.

Sagan er ekki jafn góð og í fyrri myndinni, en samt alveg ágæt, hefur seiðskratta, ófreskjur og fleira sem prýða á ævintýramyndir.

Útlitið er alveg fanntagott og ég er alveg að fíla búningana í myndinni, þeir eru svo flottir og gefa myndinni frekar myrkt útlit. Annars er Arnaldur bara í einhverri skinnbrók og er alltaf ber að ofan, hnykklandi vöðvana, alveg sama hversu kalt á að vera úti.

Þótt að þessi mynd sé ekki jafn góð og fyrirrennari hennar, þá er samt óhætt að mæla með henni fyrir alla þá sem líkar ævintýra og/eða spennumyndir með nóg af slagsmálum og afhausunum, sem og alla Schwarzenegger aðdáendur.