Leikstjórarnir J.J. Abrams og Zack Snyder hafa verið að skjóta létt á hvorn annan undanfarið með skemmtilegum myndum og myndböndum á samskiptarsíðunni Twitter. Leikstjórarnir eru báðir að vinna að stórmyndum í augnablikinu. Snyder er með Batman v Superman: Dawn of Justice og Abrams er að vinna að Star Wars: Episode VII.
Þetta byrjaði allt á því að Snyder birti mynd af Superman í gervi Sith. Eftir það birti Abrams mynd af C-3PO í gervi Batman. Snyder tók þetta svo skrefinu lengra og birti mynd af lögreglumönnum sem voru að handtaka Stormtrooper út á miðri götu.
Nú hefur nýtt myndband frá Abrams litið dagsins ljós og þar má sjá Millenium Falcon-geimskipið í allri sinni dýrð. Ekki nóg með það þá leynist nýi Batmanbíllinn undir geimskipinu og virðist hann heldur smár miðað við geimskipið.
