Það virðist ekkert ætla að stöðva hasar-hrollvekju-seríuna Resident Evil, en fimmta myndin í röðinni er á leiðinni. Leikkonan Milla Jovovich, sem hefur farið með aðalhlutverkið í myndunum hingað til, uppljóstraði því á Twitter-síðu sinni hvað fimmta myndin muni heita.
„Ég held að myndin muni heita Resident Evil: Retribution, en ég verð að spyrja Paul [WS Anderson] til að vera viss.“, en Anderson er leikstjóri myndanna sem og eiginmaður Jovovich.
„Paul á krakka sem eru atvinnumenn í að spila tölvuleiki. Þau spila þangað til þau klára öll borð og opna fyrir öll leyndarmálin. Þau spila í margar vikur og láta Paul svo fá myndskeiðin, svo hann er að horfa á margra daga virði af Resident Evil-spilun til að fá hugmyndir fyrir myndirnar.“