Að gefnu tilefni er gaman að vekja athygli á því mikla úrvali bíómynda sem kvikmyndaunnendum stendur til boða nú um helgina í kvikmyndahúsum. Ekki einungis er mikið úrval í kvikmyndahúsum Sambíóanna, Laugarásbíói, og kvikmyndahúsum Senu, Smárabíói og Háskólabíói, heldur er boðið upp á úrval mynda í Bíó Paradís ásamt því sem nú stendur yfir frönsk kvikmyndahátíð, en þar er boðið upp á margar spennandi og áhugaverðar myndir.
Gott og aðgengilegt yfirlit yfir allt sem í boði er, má sjá á bíósíðunni okkar hér á kvikmyndir.is, en það er eini staðurinn á Netinu þar sem hægt er að fá yfirlit yfir allar bíósýningar og alla sýningartíma, sem í boði eru á hverjum tíma.
Góða skemmtun.