Trailerinn fyrir Journey 2 The Mysterious Island hefur vakið merkilegt umtal alveg frá því hann kom fyrst á netið, og menn eru þegar farnir að hlakka til að horfa á það sem verður hugsanlega einn stærsti kjánahrollur næsta árs. Myndinni er nú leikstýrt af sama manninum og gerði Cats & Dogs 2: Revenge of Kitty Galore í fyrra.
Í fyrstu myndinni, Journey to the Center of the Earth, léku þau Brendan Fraser og Anita Briem á móti Josh Hutcherson. Í þetta sinn eru það Dwayne Johnsson, Vanessa Hudgens og Michael Caine.
Án þess að ætlast til þess að þið séuð öll að deyja úr spenningi þá getið þið séð hérna glæný karakterplaköt, þar sem allir nema Luis Guzmán eru sýndir í einhvers konar absúrd hættu. Það skemmtilegasta er þetta með Caine sjálfum.
Myndin er frumsýnd í febrúar á næsta ári í augnpotandi þrívídd.
