Nú hefur verið staðfest að þeir Ian McKellen og Andy Serkis muni leika í myndunum tveimur um Hobbitann, sem Peter Jackson er með í undirbúningi, og byrjar að taka upp í næsta mánuði.
Fréttirnar koma í kjölfar frétta af því að Elijah Wood muni leika Frodo Baggins í myndunum, sem gerðar eru eftir bókinni The Hobbit eftir J.R.R. Tolkien, en Tolkien skrifaði líka Hringadróttinssögu.
McKellen mun leika Gandálf, rétt eins og í Hringadróttinssöguþríleiknum, og Serkis leikur Gollum, eins og hann gerði einnig í Hringadróttinssögu. Báðar persónurnar eru lykilpersónur í Hobbitanum, þar sem Gandálfur ræður Bilbo Baggins, sem Martin Freeman leikur, í það verkefni að finna drekafjársjóð, og Gollum á kraftmikinn hring sem á eftir að leika stórt hlutverk í bæði Hobbitanum og í Hringadróttinssögu.
