Í 24 stundum í morgun kom fram að Jafningjafræðsla ætlar að halda litla kvikmyndahátíð í tilefni af 16 daga átaki gegn kynbundnu ofbeldi, átak sem nú stendur yfir. Hátíðin fer fram í Hinu Húsinu á morgun, fimmtudaginn 29.nóvember klukkan 18 – frítt inn!
Myndin Killer\’s Paradise verður sýnd til að byrja með, en sú mynd fjallar um ættingja kvenna sem hafa verið myrtar í Gvatemala, landi þar sem tvær konur, að meðaltali, eru myrtar á dag.
Næsta mynd sem verður sýnd ber nafnið Rosita og er 1 klst. að lengd. Myndin er heimildarmynd um kynferðislegt ofbeldi í Rómönsku-Ameríku. Í myndinni er fylgst með hinni 9 ára Rositu sem verður ólétt í kjölfar nauðgunar.
Að lokum verður myndin The Price of Life sýnd, en hún fjallar um aðgerðir í Króatíu sem eiga að vinna á mansali.