Í kvöld verður hin umtalaða sjónvarpsmynd Liz & Dick frumsýnd í Bandaríkjunum á Lifetime sjónvarpsstöðinni, en þar leikur Lindsay Lohan leikkonuna Elizabeth Taylor. Myndin fjallar um ástarsamband þeirra Taylor og Richard Burton, sem hófst á tökustað stórmyndarinnar Kleópötru, en rifrildi, kynlíf og áfengi, komu þar mjög við sögu.
Gagnrýnendur sem séð hafa myndina gefa henni mjög misjafna dóma.
Grant Bowler leikur Richard Burton, og Lloyd Kramer leikstýrir.
Hér að neðan eru fjögur atriði sem gaman er að vita, áður en maður sér myndina ( þó auðvitað sjáum við Íslendingar ekki myndina strax amk. )
1. Engir búningar eða skartgripir sem notaðir eru í myndinni voru í eigu Elizabeth Taylor sjálfrar, né var hún sjálf nokkru sinni í neinum af þeim klæðum eða skartgripum sem notaðir eru í myndinni.
Í myndinni, sem er 88 mínútur að lengd, er skipt um búninga 117 sinnum.
Búningahönnuðurin Salvador Perez segir að þeir hafi ekki viljað taka áhættuna af því að nota upprunaleg föt og skartgripi, enda dýrmætir hlutir.
2. Lohan naut sín í mátunarklefanum
Perez segir að Lindsay Lohan hafi notið þess að máta föt fyrir myndina. „Okkur kom frábærlega vel saman. Við vissum bæði nákvæmlega hvað við vildum.“
3. Það neistaði á milli aðalleikaranna í Kleópötrusenunni.
Framleiðandinn Larry A. Thompson segir að hann hafi vitað að Lindsay hafi verið rétta manneskjan í hlutverkið þegar hann hafi fylgst með henni að leiklesa með Bower.
„Ég varð að fá að sjá neistaflugið sem var á milli Elizabeth Taylor og Richard Burton. Eitt skiptið voru þau saman í herberginu og neistarnir flugu á milli þeirra – þá vissi ég að ég gæti endurskapað samband þeirra Liz og Dick.“ ( Elizabeth Taylor var alltaf kölluð Liz og Richard Burton var alltaf kallaður Dick í lifanda lífi )
Hann bætir við að atriðið þar sem þau verða ástfangin í Róm á tökustað stórmyndarinnar Kleópatra og hefja hneykslanlegt ástarsamband sitt, þar sem þau voru bæði gift öðrum á þeim tíma, – þá upplifir maður það sem menn voru að hneykslast á.“
4. Linday Lohan er eins og sköpuð í hlutverkið í búningi Kleópötru
Þegar Lindsay Lohan var í búningi Kleópötru ( sjá mynd með fréttinni ) þá leit Lohan út nákvæmlega eins og Liz. Leikarinn David Hunt segir: „Það voru um þrjár vikur liðnar af tökum og ég kom út úr hjólhýsinu mínu á sama tíma og hún og hún var í fullum Kleópötru skrúða, og ég stoppaði og gapti. Hún var nákvæmlega eins og Liz.“
