Lego-menn gera Spider-man teiknimynd

Spider-Man, eða Köngulóarmaðurinn, snýr brátt aftur til upprunans, þ.e. sem teiknimyndapersóna, í nýrri mynd sem framleiðendur The Lego Movie ætla að gera um ofurhetjuna.

spider

Myndinni, sem frumsýna á árið 2018, verður leikstýrt af Phil Lord og Christopher Miller.

Tvíeykið mun einnig skrifa handritið og framleiða myndina um þessa Marvel persónu sem fyrst kom fram í teiknimyndasögum á sjöunda áratug síðustu aldar.

Þeir Lord og Miller eiga einnig að baki hina geysivinsælu Cloudy With  A Chance of Meatballs og 21 og 22 Jump Street, með þeim Jonah Hill og Channing Tatum.

Teiknimyndin um Spider-Man verður sjálfstæð, þ.e. hún verður ekkert tengd leiknu kvikmyndunum fimm sem hafa þénað meira en 2,5 milljarða sterlingspunda í miðasölunni um heim allan.

Næsta leikna Spider-Man mynd er væntanleg í bíó í júlí 2017, en ekki er vitað hver muni leika hetjuna sjálfa. Andrew Garfield, sem hefur leikið Spider-Man í síðustu tveimur myndum, missti hlutverkið og verður því fjarri góðu gamni.

Þeir sem koma til greina í hlutverkið eru, samkvæmt SkyNews vefnum,  Nat Wolff, Asa Butterfield, Tom Holland, Timothee Chalamet og Liam James.

Hinn nýi Spider-Man mun koma fram á sjónvarsviðið fyrst í Captain America: Civil War í maí á næsta ári, sem þýðir að menn verða að hafa hraðar hendur.

Teiknimyndin mun hinsvegar koma í bíó 20. júlí, 2018, eins og áður sagði.

 

Stikk: