Drea
mWorks kvikmyndafyrirtækið er búið að setja nýja sjónvarpsauglýsingu fyrir næstu teiknimynd sína, Kung Fu Panda 2, í loftið, en myndin verður frumsýnd þann 27. maí nk.
Leikstjóri myndarinnar er Jennifer Yuh Nelson, og leikarar eru ekki af verri endanum; Jack Black, Angelina Jolie, Dustin Hoffman, Jackie Chan, Seth Rogen, Lucy Liu, David Cross, James Hong, Gary Oldman, Michelle Yeoh, Jean-Claude Van Damme og Victor Garber.
Í myndinni þá er Po í draumadjobbinu, sem The Dragon Warrior, verndari friðardalsins ásamt vinum sínum og félögum, hinum fimm fræknu Tigress, Crane, Mantis, Viper og Monkey. En hinu frábæra lífi Po er nú ógnað af nýjum erkióvin, sem ætlar að nota leynivopn til að ná algjörum yfirráðum yfir Kína og eyðileggja Kung Fu bardagalistina. Nú þurfa Po og vinir hans fimm, að fara í ferðalag yfir gervallt Kína til að mæta óvininum. En hvernig getur Po stöðvað vopn sem getur eyðilagt Kung Fu?
Hann verður nú að horfa til baka, og uppgötva leyndardóma uppruna sína; aðeins þannig mun honum takast að leysa úr læðingi þá krafta sem hann þarf á að halda.