Eins og við sögðum frá fyrir stuttu fóru áætlanir Farrelly-bræðra um að gera mynd um Bakkabræðurna, eða The Three Stooges, í vaskinn, en allir þrír leikararnir sem höfðu gengið til liðs við þá yfirgáfu verkefnið. Myndin er greinilega ekki dauð úr öllum æðum því þrír nýjir leikarar hafa nú verið orðaðir við hana.
Johnny Knoxville, sem flestir þekkja sem einn pörupiltanna úr Jackass-genginu, Andy Samberg, sem slegið hefur rækilega í gegn í Saturday Night Live grínþáttunum, og Shane Jacobson úr myndinni Charlie & Boots, eru sagðist efstir á lista Farrelly-bræðranna yfir þá leikara sem þeir vilja fá til sín.
Farrelly-bræðurnir munu leikstýra myndinni en þeir skrifuðu einnig handritið, sem sagt er skiptast niður í þrjá 27-mínútna langa kafla þar sem grín og glens fer hamförum.
– Bjarki Dagur
