Hvort sem manni líkar það betur eða verr, þá er The Human Centipede ein af þessum myndum sem erfitt er að gleyma. Nú í haust fáum við víst að sjá framhaldsmyndina, sem er sögð taka skrefið svo sannarlega lengra. Eins og vefsíðan Flick My Life lagði skemmtilega áherslu á þá er söguþráður þessarar framhaldsmyndar vægast sagt sérstakur og truflandi, en áhorfendur eru sumir einfaldlega aðeins of forvitnir um afraksturinn til að gefa þessu ekki tækifæri.
Rétt í þessu var Yahoo að frumsýna fyrsta almennilega teaser-trailer myndarinnar. Hann sýnir ekkert voðalega mikið en maður fær þó tilfinningu fyrir því hvað aðalpersóna myndarinnar er passlega óhugnanleg. Smellið hingað til að sjá brotið.
Myndin kemur út í október í Bandaríkjunum. Skv. Myndum Mánaðarins kemur hún til Íslands í sama mánuði.
