Nicole Kidman á nú í samningaviðræðum um að leika aðalhlutverkið í kvikmyndinni Emma´s War. Er hún byggð á skáldsögunni Emma’s War: An Aid Worker, a Warlord, Radical Islam, and the Politics of Oil – A True Story of Love and Death in Sudan (þjáll titill). Söguþráður myndarinnar ætti að mestu leyti að koma fram í titli skáldsögunnar. Framleiðslufyrirtæki þeirra bræðra Tony Scott og Ridley Scott, ásamt kvikmyndaverinu Fox, náðu í kvikmyndaréttinn á skáldsögunni og búist er við því að Tony Scott muni leikstýra myndinni.
