Aðalstjörnur myndaseríunnar Pitch Perfect, Anna Kendrick og Rebel Wilson, munu snúa aftur í þriðju myndinni, Pitch Perfect 3. Myndin kemur í bíó 21. júlí 2017.
Handritshöfundur fyrstu tveggja myndanna, sem báðar slógu í gegn, Kay Cannon, á í viðræðum um að skrifa handrit þessarar sömuleiðis. Óvíst er hvort leikstjórinn Elizabeth Banks muni snúa aftur.
Pitch Perfect 2 hefur til þessa þénað 259,7 milljónir Bandaríkjadala á heimvísu, en fyrsta myndin sló óvænt í gegn og þénaði 115,4 milljónir dala samtals um allan heim.
Aðalleikarar eru Kendrick og Wilson ásamt Brittany Snow, auk þess sem Hailee Steinfeld bættist í leikhópinn í síðustu mynd, og lék stórt hlutverk.
Kendrick, sem leikur hlutverk Beca ( sem er lykilsöngkona hjá the Bellas sönghópnum sem syngur án undirleiks – acapella ), mun næst sjást í The Accountant ásamt Ben Affleck, og í Mr. Right, þar sem hún leikur á móti Sam Rockwell. Þá er myndin Table 19 í vinnslu, með Kendrick innanborðs.