Jim Carrey hefur lofað því að hann verði óþekkjanlegur í framhaldsmyndinni Kick-Ass 2. Þar leikur hann mafíósa sem hefur breyst í illmennið Colonel Stars and Stripes.
„Þetta verður gaman. Þetta er öðruvísi en það sem ég hef áður gert. Þeir hringdu í mig og spurðu hvort ég vildi leika þennan fyrrverandi mafíósa. Ég horfði á sjálfan mig í spegli og hugsaði með mér: „Allt í lagi en ég gæti þurft að hafa fyrir þessu“, „sagði Carrey við Fandango.
„Ég hóaði saman förðunarhópnum mínum og við byrjuðum að prófa okkur áfram. Það er magnað hversu lítið þú þarft að gera til að breyta persónuleikanum algjörlega. Við fundum upp náunga sem enginn á eftir að tengja við mig. Þetta er mjög fjarri því sem þið hafið áður séð. Þetta er búið að vera virkilega gaman.“
Kick-Ass 2 er væntanleg í bíó í sumar.
Sjáðu fyrstu stikluna úr myndinni með því að smella hér.
