Jessica Alba í Spy Kids 4

Tökur standa nú sem hæst á enn einni Spy Kids myndinni, þeirri fjórðu í röðinni. Leikstjóri og handritshöfundur er Robert Rodriguez, sem leikstýrir einmitt hinni blóðugu Machete sem er í bíó núna. Það er því skammt stórra högga á milli hjá Rodriguez sem er jafnvígur á fjölskyldumyndir og sveðjusplatter.

Á meðfylgjandi myndum sjáum við leikkonuna Jessicu Alba í búningi sínum í einu af atriðum myndarinnar, sem ber heitið: Spy Kids 4: All the Time in the World og fjallar í örstuttu máli um að móðirin snýr aftur til fyrri starfa sem njósnari, til að koma í veg fyrir að illmenni nái að stöðva tímann.

Myndin verður frumsýnd 19. ágúst, 2011.