Vincent D’Onofrio og indverska súperstjarnan Irrfan Khan hafa verið ráðnir í endurræsingu Universal kvikmyndaversins á risaeðlumyndinni Jurassic World, eða Júragarðurinn. D’Onofrio mun leika illmennið.
Meðal annarra leikara sem búið er að ráða í myndina eru Bryce Dallas Howard og Chris Pratt.
Aðdáendur leikarans geta næst séð kappann í myndinni Pelé um samnefnda knattspyrnugoðsögn, en D´Onofrio leikur þar þjálfara. Þá leikur hann í Run All Night á móti Liam Neeson.
Colin Trevorrow leikstýrir Jurassic World, en myndin verður frumsýnd í þrívídd 12. júní árið 2015.
