Aðdáendur Baywatch leikarans David Hasselhoff takið eftir. Nú stendur til að selja ýmsa muni í eigu leikarans sem myndu eflaust sóma sér vel heima hjá fólki, en þar ber hæst brúðan hér að neðan. Hún er í yfirstærð og er af leikaranum í Baywatch sundskýlunni.
Eins og sést á myndinni þá er eins og leikarinn sé þarna í líkams-brimbrettastellingu, og á andliti hans er vitfirringslegt bros. Þessi brúða var notuð í myndinni Squarepants SpongeBob. Brúðunni fylgir þessi hjólavagn sem sést á myndinni og hægt er að setja glerplötu ofaná þannig að hægt sé að breyta þessu í borð. Viðmiðunarverð er 2,3 – 3,4 milljónir íslenskra króna.
Áhugasamir þurfa að mæta í uppboðshúsið Julien´s Auctions til að tryggja sér munina, en meðal annarra muna eru Pontiac Firebird bifreið sem leikarinn ók í sjónvarpsþáttunum Knight Rider, og áritaðar Barbie dúkkur og föt úr fataskáp leikarans.
Smelltu hér til að skoða fleiri muni á uppboðinu.