Hugsanlega mun kyntröllið og súkkulaðisnáðinn Josh Hartnett taka að sér aðalhlutverk myndarinnar Wish You Were Here fyrir Dreamworks kvikmyndaverið. Það er þó háð því að hann samþykki val á leikstjóranum. Myndin fjallar um hóp ungmenna sem reyna að stela aftur fjölskylduauðæfum háskólafélaga þeirra sem er frá Marokko, en á sama tíma og auðæfunum var stolið úr höllinni sem þau bjuggu í var einnig fjölskylda hans myrt. Ýmislegt fer síðan úrskeiðis og spennan magnast.
