Hin snjalla Gwyneth Paltrow og vinan sjálf Lisa Kudrow munu fara með aðalhlutverk myndarinnar Happy Endings. Titillinn vísar í endalok vel heppnaðrar….aðgerðar…hjá erótískum nuddurum, þó enn sé ekki ljós hvernig það komi söguþræði myndarinnar við. Myndin fjallar um samliggjandi örlög 10 persóna, og í myndinni leikur Paltrow konu eina sem á í sambandi við bæði föður og son, án þess að vita af því, meðan Kudrow leikur konu eina sem er að fara að hitta í fyrsta sinn barn sitt sem hún gaf upp til ættleiðingar fyrir 19 árum síðan. Myndinni verður leikstýrt af Don Roos.
