Glæný kitla, eða „teaser“, var að detta í hús fyrir Happy Feet 2, sem er framhaldið af hinni geysivinsælu Happy Feet teiknimynd um dansandi mörgæsastrák á Suðurheimskautinu. Myndin er væntanleg í bíó í lok þessa árs. Kitlan er auðvitað bara kitla, en gefur svona smá stemningu fyrir það sem koma skal. Enn er lítið vitað um söguþráð og annað, en leikarahópurinn fyrir myndina er hnýsilegur; Sofia Vergara, Brad Pitt, Robin Williams, til að nefna einhverja.
Smellið hér til að fara á undirsíðu myndarinnar og skoða kitluna. Hún er einnig aðengileg í vídeóspilaranum á forsíðunni.