Evolution (2001)
Hér er á ferðinni hreinasta snilld. Nú hefur Ivan Reitman tekist það. Þessi mynd heillaði allavega mig upp úr skónum. Aðal hlutverkin í þessari léttgeggjuðu gamanmynd fara David Duchovny, Julianne Moore, Orlando Jones og Sean William Scott með. Myndin er (í stuttu máli) um að loftsteinn rekst á jörðina. Allt í lagi með það. En í þessum steini er líf, líf sem fjölgar sér óvenju hratt. Koma þá léttruglaðir jarðfræðiprófessorar (David Duchovy og Orlando Jones) fyrstir á staðinn en svo fer herinn að skipta sér af þessu. En ekki láta prófessorarnir vaða yfir sig. Myndin átti að höfða til allra aldurshópa. Hún er fyndin, spennandi og rómantísk. Ég gef þessari mynd 3 og hálfa stjörnu.
