Það muna eflaust margir eftir litríku jakkafötunum sem Jim Carrey og Jeff Daniels klæddust í Dumb and Dumber árið 1994. Tuttugu árum síðar, þá munu þeir snúa á nýjan leik í framhaldsmyndinni sem ber heitið Dumb and Dumber To. Fyrstu plakötin voru sýnd fyrir stuttu og má þar sjá litríku jakkafötin í öllu sínu veldi.
Dumb and Dumber To verður frumsýnd þann 14. nóvember næstkomandi og á frumsýningardaginn þá munu aðeins verða þrjár vikur í að tuttugu ár verði liðin frá frumsýningu fyrstu myndarinnar, Dumb and Dumber, sem þénaði meira en 250 milljónir Bandaríkjadala í sýningum um allan heim.
Leikstjórar eru þeir bræður Peter og Bobby Farrelly, en Dumb and Dumber var fyrsta mynd þeirra sem leikstjóra. Jim Carrey og Jeff Daniels fara á ný með aðalhlutverkin og Óskarsverðlaunaleikkonan Jennifer Lawrence fer með aukahlutverk í myndinni, þar sem hún leikur hlutverk persónu Kathleen Turner á yngri árum.
Dumb And Dumber To segir frá því þegar þeir félagar Lloyd og Harry fara í ferðalag til að leita að barni sem Harry vissi ekki að hann ætti.
