Fyrsta stiklan úr nýjustu James Bond-myndinni, Spectre, var frumsýnd í gær. Daniel Craig snýr aftur sem Bond, en þetta er í fjórða sinn sem hann fer með hlutverkið fræga.
Með aukahlutverk fara Cristoph Waltz, Dave Bautista, Monica Bellucci, Léa Seydoux og Andrew Scott. Sam Mendes leikstýrir að nýju.
Að þessu sinni reynir Bond að afjhúpa ill samtök sem hafa uppi dulkóðuð skilaboð úr fortíð hans. M á í pólitískum átökum við að halda leyniþjónustunni gangandi, en Bond flettir ofan af svikum til að sýna fram á hinn hræðilega sannleika á bakvið Spectre.
Hér að neðan má sjá fyrstu stikluna úr myndinni.
