Fyrsta stiklan úr framhaldsmyndinni Dumb and Dumber To var sýnd í gærkvöldi í viðtalsþættinum hjá Jimmy Fallon, en myndin verður frumsýnd þann 14. nóvember næstkomandi.
Frumsýningardagurinn markar þau tímamót að þá munu verða tæp tuttugu ár liðin frá frumsýningu fyrstu myndarinnar, Dumb and Dumber, sem þénaði meira en 250 milljónir Bandaríkjadala í sýningum um allan heim.
Leikararnir Jim Carrey og Jeff Daniels fara á ný með aðalhlutverkin. Meðal fleiri leikara eru Rob Riggle, Kathleen Turner og Laurie Holden.
Dumb And Dumber To segir frá því þegar þeir félagar Lloyd og Harry fara í ferðalag til að leita að barni sem Harry vissi ekki að hann ætti.
Hér að neðan má sjá fyrstu stikluna úr myndinni.
