Fyrsta myndin úr nýjustu James Bond-myndinni, Spectre, var opinberuð í dag. Á myndinni sést Daniel Craig í hlutverki njósnara hennar hátignar, en þetta er í fjórða sinn sem hann fer með hlutverkið fræga. Með aukahlutverk fara Cristoph Waltz, Dave Bautista, Monica Bellucci, Léa Seydoux og Andrew Scott.
Á myndinni sést Bond með byssu við hönd á fjalllendi í grennd við Sölden í Austurríki.
Að þessu sinni reynir Bond að afjhúpa ill samtök sem hafa uppi dulkóðuð skilaboð úr fortíð hans. M á í pólitískum átökum við að halda leyniþjónustunni gangandi, en Bond flettir ofan af svikum til að sýna fram á hinn hræðilega sannleika á bakvið Spectre.
Hér að neðan má sjá myndband þar sem skyggnt er bakvið tjöldin við gerð myndarinnar í Austurríki. Í myndbandinu koma fram leikarar og aðstandendur myndarinnar.
