Sambíóin frumsýna myndina Mortal Instruments á föstudaginn næsta, þann 6. september, en myndin byggir á samnefndum metsölubókum. Myndin er sýnd í Sambíóunum Álfabakka, Egilshöll, Kringlunni, Akureyri og Keflavík, Ísfjarðarbíói og Bíóhöllinni Akranesi.
Sjáðu stiklu úr myndinni hér fyrir neðan:
Mortal Instruments: City of Bones er byggð á samnefndri metsölubók Cassöndru Clare, sem um leið er fyrsta bókin í Mortal Instruments-bókaflokknum. Mortal Instruments-bækurnar segja frá hinni ungu Clary Fray (Lily Collins) sem býr á Manhattan ásamt móður sinni. Í sextán ár hefur Clary lifað ósköp venjulegu lífi og telur sig ekki á neinn hátt frábrugðna jafnöldrum sínum.Þetta á heldur betur eftir að breytast dag einn þegar brotist er inn á heimili Clary og móður hennar er rænt. Í framhaldinu kemst hún að því að hún er engin venjuleg stúlka heldur afkomandi svokallaðra skuggaveiðara (shadowhunters), en þeir lifa í heimi sem er samhliða okkar en ósýnilegur venjulegu fólki og fullur af alls kyns púkum, vampírum og öðrum óvættum. Hlutverk skuggaveiðaranna er að berjast við þessi kvikindi og koma með öllum ráðum í veg fyrir að þau nái að komast yfir í okkar heim.
Og nú þegar Clary veit sannleikann kemur ekkert annað til greina en að ganga í lið með skuggaveiðurunum, ekki bara til að finna og bjarga móður sinni heldur til verndar mannkyninu öllu …
Aðalhlutverk: Lily Collins, Jamie Campell Bower, Robert Sheehan, Lean Headey, Jonathan Rhys Meyers, Kevin Durand og Kevin Zegers
Leikstjórn: Harald Zwart
Sýningarstaðir: Sambíóin Álfabakka, Egilshöll, Kringlunni, Akureyri og Keflavík, Ísfjarðarbíó og Bíóhöllin Akranesi
Aldurstakmark: 12 ára
Fróðleiksmolar til gamans:
• Eins og áður sagði er City of Bones bara fyrsta sagan í Mortal Instruments-seríunni og er vinna við gerð næstu myndar þegar komin á fullt, en hún heitir City of Ashes. Hinar sögurnar fjórar sem komnar eru út og gera má ráð fyrir að verði einnig kvikmyndaðar á næstu árum heita svo City of Glass, City of Fallen Angels, City of Lost Souls og City of Heavenly Fire.
• Tónlistin í myndinni er eftir Atla Örvarsson.
