Frumsýning: Don Jon

Sambíóin frumsýna myndina Don Jon á föstudaginn næsta, þann 27. september. Þetta er fyrsta myndin sem leikarinn Joseph Gordon-Levitt leikstýrir. „Joseph Gordon-Levitt , Scarlett Johansson og Julianne Moore í ferskustu mynd ársins um klámmyndafíkilinn Jon. Ögrandi svört komídía eins og þær gerast bestar, “ segir í tilkynningu frá Sambíóunum.

Sjáðu stiklu úr myndinni hér fyrir neðan:

Við fyrstu sýn virðist Jon Martello vera með allt á hreinu. Hann hugsar afar vel um stæltan líkamann, leggur sig fram við að hafa allt eins og best verður á kosið í íbúðinni sinni, ekur um á draumakagganum, er sannarlega vinur vina sinna, heimsækir fjölskyldu sína reglulega og reynir að halda í heiðri þá kaþólsku siði sem hann var alinn upp við, í von um að sér verði fyrirgefin feilsporin.

don jon

Þau feilspor felast annars vegar í því að Don er forfallinn klámfíkill sem líður best með sjálfum sér að horfa á netklám, og hins vegar í því að hann nær sér í nýja stelpu í hverri viku án nokkurra áætlana um að festa ráð sitt og því síður að eignast börn eins og móðir hans vill að hann geri.

don_jon_ver4_xlgDag einn hittir Don hina fögru Barböru sem heillar hann upp úr skónum og í fyrsta skipti á ævinni verður hann ástfanginn upp fyrir haus. Það á hins vegar eftir að reyna verulega á sambandið þegar Barbara kemst að klámfíkn Dons …

Aðalhlutverk: Joseph Gordon-Levitt, Scarlett Johansson, Julianne Moore, Tony Danza, Glenne Headly og Brie Larson

Leikstjórn: Joseph Gordon-Levitt

Bíó: Sambíóin Álfabakka, Egilshöll, Kringlunni, Akureyri og Keflavík

Aldurstakmark: 16 ára

Fróðleiksmolar til gamans: 

• Þau Channing Tatum, Cuba Gooding Jr. og Anne Hathaway koma fram í myndinni í skemmtilegum aukahlutverkum. Þess má geta að Joseph Gordon-Levitt íhugaði á tímabili að fá Channing í aðalhlutverkið áður en hann ákvað að leika það sjálfur.
• Joseph Gordon-Levitt skrifaði hlutverk Barböru sérstaklega með Scarlett Johansson í huga, löngu áður en hann kom að máli við hana og bauð henni það.